Uani quppersakkami uagut taavalu 2SLGBTQIA+ pillugit nutaarsiassat allat atuarsinnaavatit.
Taaguutit LGBTQIA+imut tunngasut
Uani quppersakkami suliniutitsinniik kalaallisut taaguusersuutiliornermi oqaasiliortuniik akuerineqarnikut takuneqarsinnaapput.
Erfalasut LGBTQIA+imut tunngasut
Uani quppersakkami kalaallisut erfalasut qalipaataasa isumaat takuneqarsinnaapput.
Sipineq qanoruna isumalik?
"Naggueqatigiit Inuit upperisimavaat inuit suiaassusaat allanngorsinnaasoq, namminerlu soorusunnerluni toqqarsinnaallugu. Nukappiaraq niviarsiaqqatut perorsarneqarsinnaavoq, niviarsiararlu nukappiaqqatut perorsarneqarsinnaalluni. Apeqqutaasarpoq angajoqqaat nukappiaraatitaarusunnersut imaluunniit niviarsiaraatitaarusunnersut, taamaattumik meeqqat isikkui taavalu kinguaassiutaat apeqqutaanikuunngillat. Meeraq suli inunngornani nammineerluni toqqarsinnaavaa nukappiaraarusunnerluni imaluunniit niviarsiaraarusunnerluni. Meeraq suiaassutsini allanngortissinnaavaa inunngunnginnermini imaluunniit inunngornermini. Meeraq naap iluaniinnermini iluaalliorsimappat imaluunniit inunngornermi meeqqamut ilungersunartoqarsimappat meeraq suiaassutsini allanngorsinnaavaa. Naalungiarsuup suiaassutsiminik allannguinera ateqarpoq Sipineq."
- Silamiut
Oqaluttuatoqqat
Nunarsuarmi aappariit siulliit
"Nunarsuarmi aappariit siulliit pillugit oqaluttuat naggueqatigiit Inuit amerlasuut Knud Rasmussenimut assigiimmik oqaluttuarineqartarsimapput. Soqutiginarpoq issittumi oqaluttuaq taanna sumiiffinni assigiinngitsorpassuarni oqaluttuarineqartoq. Tassanilu takutikkaa inuit piginnaasaat inuuniarnerlu timikkut suiaassutsiminngaanniit isumaqarnerusimasut. Oqaluttuarineqartut tamarmik aappariit nunarsuarmiittut siulliit angutit marluusimanerannut tunngapput. Angutit taakku marluk piffissap ilaani kisimiillutik inuupput, nunarsuup sinnera ajortinnikuusoq, taavalu inuit allat tamarmik uumasullu toqusimasut. Angutit marluk imminnut katipput katisimasutullu inooqatigiillutik. Angutip aappaa naartulerpoq. Angutip aappaa erinarsuummik angakkuakkamik erinarsulerpoq, tassanilu angutip naartusup usua sipivoq, arnatullu kinguaassiuuteqalerpoq. Taamatullu angutip naartusup arnanngorneratut paasineqarsinnaavoq. Angutit taakku marluk meerartaaqatigiipput, taamatullu nunarsuarmi inoqaqqilerpoq."
- Silamiut